Байршлын үнэлгээ
Зураг дээр дурын цэг дээр дарж дэд бүтцийн үзүүлэлт, давхцал, жинлэсэн оноог харна.
Цэг сонгоогүй байна.
Шалгуурын жин
Жинлэсэн оноо (0–100) болон дулааны зурагт хэрэглэгдэнэ.
Зорилго
Монгол Улсад ногоон дата төв барихад шаардлагатай дэд бүтэц бүхий газрыг урьдчилан тодорхойлох. Дата төвийн байршилд нөлөөлдөг гол хүчин зүйлс: найдвартай, хямд цахилгаан; шилэн кабелийн холболт; тоног төхөөрөмж тээвэрлэх зам, төмөр зам; сэргээгдэх эрчим хүчний нөөц; барилгад тохирсон тэгш газар.
Өгөгдлийн эх сурвалж
- Автозам, төмөр зам, аймаг/сумын төв — TUMUR_ZAM shapefile багц (улсын чанартай авто зам, хучилтын төрөл; төмөр зам UTM 48N → WGS84).
- Нүүрсний ашиглалтын тусгай зөвшөөрөл — Coal_joined shapefile (314 талбай: нэр, эзэмшигч, талбайн хэмжээ, аймаг/сум).
- Шилэн кабелийн сүлжээ — Netco файлууд (5 оператор, 571 хэрчим).
- Үүрэн холбооны операторын цэг — Мобиком, Юнител, Скайтел, Жимобайлын 2G, 3G, 4G сүлжээний байршлын мэдээлэл.
- Нарны нөөц (DNI) — Global Solar Atlas 2.0 (World Bank / ESMAP / Solargis) зургийг конус проекцоос 8 хотын хяналтын цэгээр (±1 px) геокодолж, легендийн өнгөөр kWh/m²/өдөр утгад хөрвүүлсэн.
- Салхины нөөц (100 м) — Global Wind Atlas 3 (DTU / World Bank) зургийг Web Mercator-т улсын хилээр тааруулж, м/с утгад хөрвүүлсэн.
- 30 м DEM — SRTM 30 м (AWS Terrain Tiles). Зураг дээрх өндөр/налуу ба дарсан цэгийн утга 30 м tile-аас; давхцлын торонд ≈50 м tile-ийг 0.05° нүд бүрт дундажилсан.
- Цахилгаан станц, ЦДАШ — лавлагааны давхарга: нээлттэй эх сурвалжаас авсан ойролцоо байршил, схем. Албан ёсны мэдээллээр баталгаажуулах шаардлагатай.
- Аймгийн хил — GADM 4.1.
Давхцлын арга
Давхарга бүрт босго тавьж, 0.05° (≈4–5 км) торон нүд бүрт хэдэн шалгуур хангагдаж буйг тоолно. Бүх шалгуурыг (эсвэл нэгээс бусдыг) хангасан зэргэлдээ нүднүүдийг нэг бүс болгон нэгтгэж, бүрэн давхцсан талбайн хэмжээгээр эрэмбэлнэ. Бүсийн тайлбар нүднүүдийн дундаж утгаас автоматаар үүснэ.
Онооны арга
Шалгуур бүрийг 0–1 хооронд нормчилно: зайн шалгуур s = 1 − d / dmax, нарны нөөц (DNI − 3.0) / 3.6, салхи (v − 2) / 8, налуу 1 − s / 10°. Нийт оноо = жинлэсэн дундаж × 100.
Уур амьсгал (хөргөлт), газар хөдлөлт, усны нөөц, газрын үнэ зэрэг шалгуурыг энэ хувилбарт оруулаагүй.